الذّيب.... ابن .... الذّيب

فخر أهلها · 04-07-2009, 04:20 AM

اسعد الله صباحكم بكل خير

الجديد مع التحيه ابيات خرجت فيها عن نمطي المألوف بسبب .......

اتمنى ان تتضح الصوره من الابيات وولا اضطر الى رواية القصة

(ياشبل راح ابوك وانت العوض فيه)=شطر(ن) قريته بس مدري وش اتلاهـ
مااقلّد المرّي بفكرة قوافيه=لو كان قبلي للجماهير ألقاهـ
في شاشة المرقاب بالشات قاريه=بس الحقيقة كاتبه ماعرفناهـ
شدّه طفل ذاك الشهيد وكتب فيه=واللي قرا هالبيت ردّد وغنّاهـ
طفل(ن) يتيم ولاعرف ويش داعيه=ولايدري ليه الحفل والناس ترعاهـ
جدّه يشيله بالغلا بين اياديه=والدّمع في عينه عن الناس خفّاهـ
يضمّه لصدره لأنّه يحاليه=بالزّول والنّظره وباكثر مزاياهـ
طفل(ن) صغير وجاير الوقت صاليه=ودّع ابوه وللأسف راح ماجاهـ
لاهو كبير السّن يصبر ويرثيه=والموت حتى ماعرف ويش معناهـ
ودّه بوسط الناس يصرخ يناديه=لكن تلعثم (يايبه) داخل شفاهـ
وان طال فيه الوقت ماهو بناسيه=لو كان كل الخلق تسلى وتنساهـ
طفل(ن) يتيم وبالحلا الرّب حابيه=اللّه يرحم من على الطيب رباهـ
به من أسود الغاب هيبة خطاويه=وله عين حرّ(ن) بالشكالة موصّاهـ
اللّي تسبّب له عسى اللّه يجازيه=بالنّار بئس الدّار والويل يجزاهـ
واللّي مغرّر فيه يارب تهديه=وتقدّي لدرب الهدى منك ممشاهـ
يازمرة الإرهاب باللّه مافيه ؟=في فكركم شي(ن) عن الشر ينهاهـ ؟
كم من طفل باسبابكم راح واليه=والبيت مظلم عقبه النور ماجاهـ
وكم زوجتن تدعي عسى الله يسقيه=حرمان جنّاته مثل ماحرمناهـ
وكم شايب(ن) قد جرّح الدّمع خدّيه=والهمّ في صدره تراكى وخاواهـ
وكم من عجوز(ن) قلبها مات غاليه=تبكي وتسأل كيف حنّا فقدناهـ
يازمرة الإرهاب هالشعب يكفيه=يكفيه همّه لاتزيدون بلواهـ
(ياشبل راح ابوك وانت العوض فيه)=شطر(ن) طرالي بس مدري وش اطراهـ
والذيب.. ابن الذيب ياربّ تحميه=وتجعل ابوه بجنّة الخلد مثواهـ

اتمنى ان تحوز على رضاكم

فهده · 04-07-2009, 07:36 AM

فخر اهلك

صح قلبكـ

سلمت يمناك

سلام..

بسمة العشاق · 04-07-2009, 07:37 AM

(ياشبل راح ابوك وانت العوض فيـه)

شطر(ن) طرالي بس مدري وش اطراه
والذيب.. ابن الذيـب يـاربّ تحميـه
وتجعل ابوه بجنّـة الخلـد مثـواهـ

بجد مؤثرة

مشكورة

تحياتي

محمد الروقي · 04-07-2009, 03:11 PM

تسلمين فخر احلها

وصح لسااانك قصيدة هادفه

ولا غرابه دامها من فخر اهلها

مروري وكل التقدير

أبوعبدالرحمن · 04-07-2009, 05:40 PM

فخر اهلها

صح قلبك وكلك اختي

مبدعه دوما وقصيدة رائعه في مضمونها وصياغتها

تحيتي لك

صهيل الصمت · 04-07-2009, 05:57 PM

,,,
فخر اهلها

مبدعة دومــاً

نص رائع وكلمات تغني عن الشرح

سلم قلبك وكلك ,,
ود,,

نـواف الشمــري · 04-07-2009, 06:01 PM

الاخت الفاضله ،، فخر أهلها

صح الله لسانك ولا هنت

قصيده مؤثره

وجزله

بيض الله وجهك

أنتظر جديدك بفارغ الصبر

فمان الكريم

ناصر الراشد · 05-07-2009, 01:50 AM

يازمرة الإرهـاب هالشعـب يكفيـه = يكفيـه همّـه لاتـزيـدون بـلـواه

صح الله لسانك ورفع الله مقامك
ولاهنتي اختي فخر اهلها
جميله بكل مافيها وياليتك مكملتها بمعانات الشعب السعودي

محمد الجبريني · 05-07-2009, 09:44 AM

اقتباس:

المشاركة الأصلية كتبت بواسطة فخر أهلها

اسعد الله صباحكم بكل خير

الجديد مع التحيه ابيات خرجت فيها عن نمطي المألوف بسبب .......

اتمنى ان تتضح الصوره من الابيات وولا اضطر الى رواية القصة

(ياشبل راح ابوك وانت العوض فيه)=شطر(ن) قريته بس مدري وش اتلاهـ
مااقلّد المرّي بفكرة قوافيه=لو كان قبلي للجماهير ألقاهـ
في شاشة المرقاب بالشات قاريه=بس الحقيقة كاتبه ماعرفناهـ
شدّه طفل ذاك الشهيد وكتب فيه=واللي قرا هالبيت ردّد وغنّاهـ
طفل(ن) يتيم ولاعرف ويش داعيه=ولايدري ليه الحفل والناس ترعاهـ
جدّه يشيله بالغلا بين اياديه=والدّمع في عينه عن الناس خفّاهـ
يضمّه لصدره لأنّه يحاليه=بالزّول والنّظره وباكثر مزاياهـ
طفل(ن) صغير وجاير الوقت صاليه=ودّع ابوه وللأسف راح ماجاهـ
لاهو كبير السّن يصبر ويرثيه=والموت حتى ماعرف ويش معناهـ
ودّه بوسط الناس يصرخ يناديه=لكن تلعثم (يايبه) داخل شفاهـ
وان طال فيه الوقت ماهو بناسيه=لو كان كل الخلق تسلى وتنساهـ
طفل(ن) يتيم وبالحلا الرّب حابيه=اللّه يرحم من على الطيب رباهـ
به من أسود الغاب هيبة خطاويه=وله عين حرّ(ن) بالشكالة موصّاهـ
اللّي تسبّب له عسى اللّه يجازيه=بالنّار بئس الدّار والويل يجزاهـ
واللّي مغرّر فيه يارب تهديه=وتقدّي لدرب الهدى منك ممشاهـ
يازمرة الإرهاب باللّه مافيه ؟=في فكركم شي(ن) عن الشر ينهاهـ ؟
كم من طفل باسبابكم راح واليه=والبيت مظلم عقبه النور ماجاهـ
وكم زوجتن تدعي عسى الله يسقيه=حرمان جنّاته مثل ماحرمناهـ
وكم شايب(ن) قد جرّح الدّمع خدّيه=والهمّ في صدره تراكى وخاواهـ
وكم من عجوز(ن) قلبها مات غاليه=تبكي وتسأل كيف حنّا فقدناهـ
يازمرة الإرهاب هالشعب يكفيه=يكفيه همّه لاتزيدون بلواهـ
(ياشبل راح ابوك وانت العوض فيه)=شطر(ن) طرالي بس مدري وش اطراهـ
والذيب.. ابن الذيب ياربّ تحميه=وتجعل ابوه بجنّة الخلد مثواهـ

اتمنى ان تحوز على رضاكم

الله الله
القصه وابياتها
كلها يبدولي تدورر حول

طفل
( طفل(ن) يتيم)
وزمررره الارهاب
السبب في قتل والده

الله الله

يازمرة الإرهاب باللّه مافيه ؟=في فكركم شي(ن) عن الشر ينهاهـ ؟
كم من طفل باسبابكم راح واليه=والبيت مظلم عقبه النور ماجاهـ
الله الله

ياسلام عليك يالشاعره فخر اهلها
والله كتبتي شي صحيح وواقع
شكراً لقلمك وفكرك
ونبض حروفك
الشجيه

وكم زوجتن تدعي عسى الله يسقيه=حرمان جنّاته مثل ماحرمناهـ
وكم شايب(ن) قد جرّح الدّمع خدّيه=والهمّ في صدره تراكى وخاواهـ
وكم من عجوز(ن) قلبها مات غاليه=تبكي وتسأل كيف حنّا فقدناهـ
يازمرة الإرهاب هالشعب يكفيه=يكفيه همّه لاتزيدون بلواهـ
(ياشبل راح ابوك وانت العوض فيه)=شطر(ن) طرالي بس مدري وش اطراهـ
والذيب.. ابن الذيب ياربّ تحميه=وتجعل ابوه بجنّة الخلد مثواهـ

أمين وكل الاموات
اجمعين

وصح صح صح
الســـــــــــــااانك

ثم
صح
السانك

ابيات
مرررره حلوه على قول....
تقبلي مروررري وفااائق تقديرري واعجابي

يوسف عبدالله الغنامي · 05-07-2009, 12:35 PM

صح لسانك على هذه الرائعه

خــــالـــــد · 05-07-2009, 02:28 PM

صح لسانك وقلبك

تسلم يمينك

قصيدة فاخرة وزاخرة

محمد بن ضاوي · 05-07-2009, 09:44 PM

(ياشبل راح ابوك وانت العوض فيـه)

شطر(ن) طرالي بس مدري وش اطراه
والذيب.. ابن الذيـب يـاربّ تحميـه
وتجعل ابوه بجنّـة الخلـد مثـواهـ

فخر اهلها ,,,

صح لسانك ولاهنتي

قصيده رائعه ومعنى اروع

صح لسانك مره اخرى ولاهنتي وبانتظار الجديد

رعــد بن سلطان · 06-07-2009, 12:02 AM

فخر اهلها

قصيدة شامخه بمعانيها وبحبكتها ولايكتبها غير شخص فخر للشعر ايضاا

صح لسانك الي رضاك

.

فخر أهلها · 07-07-2009, 06:30 AM

فهدهـ

هلا بك وغلا

صح بدنك وسلم قلبك

شاكره مروورك

سـعيد الـمري · 07-07-2009, 09:34 AM

.
.

صح لسانش ونبضش يافخر اهلش .. تقبلي مروري المتواضع


اتصل بنا	مركز تحميل الصور	الألعاب	اعلن معنا

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري


التربية البدنية	مدينة الطيبات	تفسير الاحلام	المطبخ و الأكلات	موسوعة العلماء
استضافه	موسوعة الملائكة	موسوعة الأنبياء	موسوعة الصحابة	الألعاب و المرح
استضافة	الحياة الجنسية	دليل غرابيل	نفسير القرآن	القرآن الكريم
علوم القرآن	موسوعة العقيدة	موسوعة الحديث	موسوعة الأداب	موسوعة الأذكار
تربية الأطفال	الإعجاز العلمي	موسوعة العظماء	موسوعة الحج	حياة الحبيب

الذين يشاهدون محتوى الموضوع الآن : 1 ( الأعضاء 0 والزوار 1)