سلام الله سلامٍ من سمعه انه معاد ينام =ومن عرض عليه انه على صدره غير ايضمه

سلام الله سلامٍ من سمعه انه معاد ينام =ومن عرض عليه انه على صدره غير ايضمه
على مركب غرام الشوق تهت بجرهد الاحلام = وانا خيل المشاعر تصطفق بي عالي الهمه
وسقت خيول فكر الشعر وامال الفرح قدام=وانا انثر هاجس احساس القصايد وارجع المه
وانا شاعر بفضل الله على ما ينبغى ويرام = ولثني عظم ساق الشعر كود بعالي القمه
على عهد الوعود المقبله تنبي عن الأقلام =وتثبتها لكم ليام لن عشنا على الذمه
وانا والوقت والحض الردي سرنا جميع اخصام =خدعني وقتي اللي ماستحى مني على دمه
ياوقت تظيم من ظمته انا اللي مستحيل انظام = وانا اللي والله انك من طرفي الظيم ماتشمه
انا شاعر مع اهل الشعر لي مشاركه وسهام =وشعري لاقدر اني امدحه ولا اقدر اذمه
وكل محداً تجاهلني بشعري قمت ازيد اقدام =خصوصن شفت خلق الله بشعري غير مهتمه
قسم بالله لجرم في مجال الشعر اشد اجرام =مادام الشعر انا سيده وانا خاله وانا عمه
مدام اسليم ربعي حزت الشدات لي احزام =فنا اللي لا بغيت اطم بحر الشعر ابطمه
ماني لعيون جزل الشعر ياهل الشعر انا خدام= لابالله هاجسي بالشعر داهيتاً وصمصمه
ولا يلحق هجوسي في قصيدي لومت اللوام =ولا تهفو هجوسي لو تثور الا بها زمه
اعنزها على بحر الجزاله والهجوس احيام =واوردها قراح(ن) منهله من صافي الجمه
واصدرها من اعدود الروى قبل اي ذود هيام =وراهن في هجوسي بالقصايد فاكبر مهمه
وفي تال الكلام اللي سمعتوه السلام اختام = وصلى الله وسلم فوق سيد خاتم الأممممممه