رايح وطي من حرف ألف باء إلى ياء !

احمدالعارضي · 15-06-2009, 05:24 AM

ياللي تلمح لي من بعيد لبعيد=شكرا على حسن التجاوب والإطراء
تساقطت أشيائي وجابت العيد=مقابل الشيئين ضيعت الأشياء
يحتاج لي ظبط وتوازن وتوحيد=وجمع الشعور اللي تحول لأشلاء
المنحرف مايعترف بالتقاليد=ماعاد تفرق جات : بيضاء , سوداء
طاح الحيا ماهي بلحية مناقيد=من علمك فن التنمق والإغراء
وجه الشبه مابين عسفان وقديد=بينك وبين إبليس في فن الإغواء
لو تكتب الإطراء فوق الجلاميد=حولتها من جسم جامد إلى ماء
ماجاملك لو قلت مااحتاج تمهيد=رايح وطي من حرف ألف باء إلى ياء
أصبحت في حالة تشتت وتشريد=من وين بلقاني بعد صرت أجزاء
يقفي بي الهاجس ويقبل تراديد=تعبت من شيل السهر حد الإعياء
أسج بخطام المطية على البيد=فاطر عمانيه من الهجن حمراء
مادرّجوها البير جنب المعاويد=مظهارها في يوم داحس وغبراء
حثيتها يمك وجاتك بلا قيد= في ليلة ٍ ظلماء لا إيه لا لاء
مااسمع مااشوف إلا أنت ياباشة الغيد=إن قلت لي إعدام وإن قلت إعفاء
غنيت ضرب إمن الخيال وتناهيد=لعلي ألقى فيك معراج وإسراء
تفاعل العسجد وسم السيانيد=وأنتج دواء الداء في قلوب الأعداء
وإن طاحت الحشمة من وجيه أجاويد=ماطاح إبن عارض من عيون الأكفاء
والشعر في ذمة نجاح المساعيد=إنه تحت تأثير تلميع الأسماء
يصفق الجهور للرمش والجيد=حالة من التمجيد توحي بالإغماء
مابيني وبينك كلام ومواعيد=إبليس يتبعني وأنا أتبع للأهواء

أبوعبدالرحمن · 15-06-2009, 06:59 AM

لله درك يالعارضي

اليو مانا قريت شعر

قافية جميلة وثقافة شعرية وافكار صيغت بقلم شاعر متمكن

صح قلبك وكلك

جزل دوما

تحيتي لك

محمد بن ضاوي · 15-06-2009, 07:05 AM

يقفي بي الهاجـس ويقبـل تراديـدتعبت من شيل السهر حـد الإعيـاء

.
.
احمد العارضي ,,,
الف صح لسانك ولاهنت
قصيده فخمه من شاعر يستحق المتابعه
مره ثانيه صح لسانك ولاهنت

فايز ماجد · 15-06-2009, 07:32 AM

الله الله يالعارضي

وش اقول ووش اخلي

ابدعت ابدعت ابدعت من هنا الى مالا نهاية

صح لسانك ملايين يااحمد

وسلم لي على الشعر الجزل والمميز

تحياتي لك

شاعرة نجد · 15-06-2009, 03:16 PM

والشعر في ذمـة نجـاح المساعيـد=إنه تحـت تأثيـر تلميـع الأسمـاء

الله الله

صح لساانك شاعرنا

أبدعت وامتعت..حضور مختلف ونص فااق التعليق والوصف

صح الله لسانك على هالشامخه

ولاعدمنا البوح الجزل

لك التقدير’,,

طلال سويعد · 15-06-2009, 04:30 PM

صح لسانك على هذه الرائعة

وبيّض الله وجهك

قصيدة جزلة... من شاعر جزل

صهيل الصمت · 16-06-2009, 05:45 PM

,,,
سلم قلبك وبنانك

نص جميل

دمت بود

ود,,

مفرح بن مناحي · 17-06-2009, 03:29 PM

يااااااااااااااهي قصيدة

صح لسانك

رائع يا أحمد

لله درّك

أطربتنا

وبانتظار جديدك


اتصل بنا	مركز تحميل الصور	الألعاب	اعلن معنا

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري


التربية البدنية	مدينة الطيبات	تفسير الاحلام	المطبخ و الأكلات	موسوعة العلماء
استضافه	موسوعة الملائكة	موسوعة الأنبياء	موسوعة الصحابة	الألعاب و المرح
استضافة	الحياة الجنسية	دليل غرابيل	نفسير القرآن	القرآن الكريم
علوم القرآن	موسوعة العقيدة	موسوعة الحديث	موسوعة الأداب	موسوعة الأذكار
تربية الأطفال	الإعجاز العلمي	موسوعة العظماء	موسوعة الحج	حياة الحبيب

الذين يشاهدون محتوى الموضوع الآن : 1 ( الأعضاء 0 والزوار 1)

(إظهار الكل) الأعضاء الذين شاهدوا الموضوع : 15
أتعب انا, مفرح بن مناحي, احمدالعارضي, جواهر, شاعرة نجد, TALAL AL-MELFI, عبدالرحمن بن صباح الفاضل, عدنان البشير, نبض الحبر, طلال سويعد, قطره 99