من جديد مسلسل رحيل / صـــــــــــــح ولا مو صـــــــــــح ؟؟

,

فشل عدد كبير من خريجي المعاهد الصحية الأهلية في مقابلة معالي وزير الصحة الدكتور عبدالله الربيعة بعد اكتظوا بمكتبه الأسبوع الماضي

<<<<<< صح عليه ومو صح .. ؟؟
ورجاء اللي بيجي يقول عاد وزير ومشغول .. يسكت افضل
لانه مهما كان هم جزء من وزارته ومن مسؤلياته ووصلوا الى بابه وماراح يضره مقابلتهم لو لدقائق معدودة فقط انما وش نقول (..........) ..


واجتمع عدد كبير من خريجي المعاهد الصحية الأهلية لرفع معاناتهم لوزير الصحة على أمل أن يجدوا بصيص أمل لحل معاناتهم التي دامت لأكثر من سنوات على حد تعبيرهم في شكوى حملوها لمعالي الوزير حيث أكد عدد من الخريجين أنهم تكبدوا خسائر مالية فادحة وأنفقوا وقتاً كبيراً في الدراسة في بعض الأكاديميات الصحية الأهلية بعد أن حصلوا على الثانوية العامة على أمل أن يجدوا لهم فرصة عمل لكنهم صدموا بعدم توظيفهم بعد التخرج.

<<<<<< بالفعل مشكلة قديمة اسمع واقرا عنها من زمااااااااان مو وليدة اللحظة !!


ووصف الخريجون في شكواهم مبررات الخدمة المدنية في عدم توظيفهم بعد حصولهم على الشهادة من تلك الأكاديميات بأن وزارة الصحة هي من تقوم برفضهم

<<<<<< ياسلام !!
وليه وزارة الصحة معطية التراخيص بفتح هذه المعاهد واعتمادها من الهيئة السعودية للتخصصات الصحية طالما ماراح يقبلون خريجينها !!


وقالوا في شكوى ل «الرياض» أنهم تجمعوا أمام باب الوزير لإيجاد مخرج لأزمتهم وتخطي ظروفهم لكنهم فشلوا في مقابلة الوزير.

<<<<<< رددوا يا ليل مااطولكـ !!


وناشد الخريجون بحل مشكلتهم وإنقاذهم من مخاطر البطالة وخاصة أنهم مؤهلون على حد تعبيرهم وتلقوا تعليماً مستمراً إضافة إلى أن عدداً ممن يتم استقدامهم من الخارج لا تطبق عليهم شروط صارمة كما يتم تطبيقها على أبناء البلد.

<<<<<< والله والله مساكين بجد تفاعلت مع قضيتهم وتقولون ليه الشباب ينحرف أو يروح يفحط بالزبيرية فوق السفلت

عموما هو خبر و اراهـ قضية بنفس الوقت!!

الغاية من النشر /
صـــح ولا مو صح اللي صاير ؟؟
وش الحل ؟؟
وين الخلل ؟؟

تشكرات ,,

,

اكيد ومليون بالمئه مو صح عليهم
ياكثر العاطلين واللي قاعدين بالبيوت بدون وظائف زادت السرقات بالبلد وهذا اكيد بسبب تفشي البطاله
لازم ولا بد يلاقون حل لهذه المشكله ويحاولون
تلبية الحاجيات الأساسية لكل البشر

الله يكون بعوونهم يارب ويسر لهم والله انهم يقطعون القلب

مشكوره عزيزتي رحله يعطيك العافيه

,

اقتباس:

المشاركة الأصلية كتبت بواسطة سمووره اكيد ومليون بالمئه مو صح عليهم ياكثر العاطلين واللي قاعدين بالبيوت بدون وظائف زادت السرقات بالبلد وهذا اكيد بسبب تفشي البطاله لازم ولا بد يلاقون حل لهذه المشكله ويحاولون تلبية الحاجيات الأساسية لكل البشر الله يكون بعوونهم يارب ويسر لهم والله انهم يقطعون القلب مشكوره عزيزتي رحله يعطيك العافيه

السرقات بس يا سموورة ؟؟

الا قولي جميع انواع الجرائم ماظهر منها ومابطن

من جميع العاطلين مساكين مو بس خريجي المعاهد الصحية ..


انتي تكلمتي بشكل عام وموصح عليهم ..

وبعدين ثاني مرة تسميني (رحله) ع الخطوط ولا سما

تشكرات منورة يا سمسم ,,
,

لا مو صح عليهن


المفروض يقابلون الملك مباشره


لان المستشفيات تعج بالممرضات الفلبينيات وفنيات الاشعة وغيره


وبالكاااااد نحصل فتاة سعودية



المفروض يكون العكس


تسلمين رحيل على هيك خبريه


تحية عطرة

الكل يشتكي الكل مو بس القطاع الصحي
الله يعين

,

اقتباس:

المشاركة الأصلية كتبت بواسطة << جميل>> بدايـــة اختي رحيل وزارة الصحة لاتصدر تراخيص للمعاهد الأهلية وليست هي الجهة المخولة بذلك وتراخيص هذه المعاهد تصدر عن طريق المؤسسة العامة للتعليم الفني والتدريب المهني بالتنسيق مع هيئة التخصصات الصحية . ثانيا : تم توجيه المستشفيات والمستوصفات الأهلية بقبول خريجي المعاهد الصحية الأهلية وتم تعيين مجموعة منهم بهذه المرافق . مشكلة المشاكل أن هؤلاء الخريجين لايرغبون في العمل إلا في الجهات الحكومية نسأل الله صلاح حالهم وحالنا جميعا

,

اقتباس:

المشاركة الأصلية كتبت بواسطة سعود لا مو صح عليهن المفروض يقابلون الملك مباشره لان المستشفيات تعج بالممرضات الفلبينيات وفنيات الاشعة وغيره وبالكاااااد نحصل فتاة سعودية المفروض يكون العكس تسلمين رحيل على هيك خبريه تحية عطرة

امممممممممممممم الموضوع كان يتحدث عن مجموعة من الشباب وليس الفتيات لاني شفت الصور

عموما هي مشكلة تخص الطرفين وكلهم عيالنا ..

تشكرات ,,

,

,

اقتباس:

المشاركة الأصلية كتبت بواسطة وجن محمد الكل يشتكي الكل مو بس القطاع الصحي الله يعين

مو صح ع الوزير انه مايقابلهم وهذا الاهم بالنسبه لك اكيد اختي رحيل

لكن بكل امانه الخافي اعظم من ظلم ونصب واحتيال وتزوير وقرارات عكس كل مايقال عند التسجيل بالمعاهد

والموضوع يستحق التعليق الى بكره بس نبي نسكت لان السكوت افضل من الكلام اللي ماينتج ولايثمر


مشكورة رحيل ع النقل وع التعليق

شعب مسكين

مفصول عن قيادته

بكره يطلع وزير الصحة في الاعلام ويقول وين طلابنا عن التخصصات الطبية والتمريض

مايدري انهم على باب مكتبه يبون يشرحون له وضعهم

,

اقتباس:

المشاركة الأصلية كتبت بواسطة ناصر الراشد مو صح ع الوزير انه مايقابلهم وهذا الاهم بالنسبه لك اكيد اختي رحيل لكن بكل امانه الخافي اعظم من ظلم ونصب واحتيال وتزوير وقرارات عكس كل مايقال عند التسجيل بالمعاهد والموضوع يستحق التعليق الى بكره بس نبي نسكت لان السكوت افضل من الكلام اللي ماينتج ولايثمر مشكورة رحيل ع النقل وع التعليق

على قولكـ يا ناصر الخــافي اعظيم ..

مشكلة غريبة والله ..
يفتحون معاهد والطالب ينقص ظهره وهو يدفع في الاقساط ويدرس ويتخرج ..
وبعدها ينرفض عشان ابو فلبو ولا ابو هنود ياخذ مكانه


تشكرات ,,


,

,

اقتباس:

المشاركة الأصلية كتبت بواسطة أبوعبدالرحمن شعب مسكين مفصول عن قيادته بكره يطلع وزير الصحة في الاعلام ويقول وين طلابنا عن التخصصات الطبية والتمريض مايدري انهم على باب مكتبه يبون يشرحون له وضعهم

صـــــح عليكـ ..!!

نبي نسعود ونبي نسعود ونبي نسعود ..

ونبي اكتفاء سعودي من الممرضين والممرضات لذلكـ بنفتح المعاهد ونزيد عددها وندعمها ونعتمد شاهداتها وبنزيد اسعارها و ........ ماراح نوظف خريجينها وخريجاتها

تشكرات لحضوركـ ,,


,