وهــ يالبى ذا القصيده .. (( ج‘ــتني فتآة(ن) خطآهآ تمشي بهمه ... )) لشاعر ابن كدمه ..

اختك ياصبي · 16-04-2009, 04:11 PM

السلام عليكم ورحمة الله وبركاته

من اروع القصايد اللي سمعتها << وفي جوالي اسمعها وقت الحاجه

وبيني وبينها قصة حب دورتها مرتبه في النت ونقلتها لكم ويارب ماتكون مكرره

ماقول الا اشهدن لها عم

اللي بيسمعها اتحدى مايشوش راسه

مالكم بالطويله

هذه القصيده تعبر عن قصه عآشهآ الشآعر على الواقع وترجمها إلى قصيده
وتم نشرها بعنوان نخوة سجين

الشخص هذا اسمه هادي وينقالهم ال كدمه من قبيله قحطان وسالفته كان جالس في مجلسه
ودخلت عليه فتاة تبكي وتنخاه من عيال عمه وطبعا تعرفون نخوه البدوا لما تنخاه فتاة وتفرع قدامه ..
يفزع بحميه ونخوة رجاجيل .. المهم لما نخته الفتاة طلع الرشاش ورمى عيال عمها وماتوا
واحكموا عليه بالاعدام وهادي بن كدمه مسجون في سجن ظهران الجنوب منذ ما يقارب 16 سنة
بقضية قتل اخيه أبن عمه/ هادي بن مهدي بن فرثان آل الشريف الحبابي

وقد زاره اخيه من الرضاعه الشاعر سعيد الحازبي وكتب قصيده على لسان هادي بن سعود بن كدمه

ويقولون ان الملك عبدالله اطال الله في عمره سمع هالقصيده واعفاء ابن الكدمه من السجن نهائيا
واخرجه براءه الله يجزاه خير وهذي هي القصيده ...

وٍهذي القصيده كتآبيه وٍصوٍتيه

سجن ظهران زرت اخوي ابن كدمه...........وانا وهادي سعـود بحسبـة اخوانـي
جينا زيـاره ومعنـا بالرضـاع امـه............في قلبها شوق مـدري هـم وحزانـي
وساعة وقف قامت اتناديـه وتضمـه..........من زود حب الضنا في قلبهـا الحانـي
ومن زود شوقه يـون وقـال يايمـه..........انا علـى شوفتـك بالحيـل ولهانـي
وقامت تنوح العجوز وسلهمـت يمـه..........ودموعهـا كنهـا هـمـال ودانــي
صاحت وناحـت وزادت بالبكـا همـه..........ويقول يامـه كفانـي هـم واحزانـي
ثم انكسر ناضره مـن همـه وغمـه...........بين الرجاء ولأمل واليـاس حيرانـي
ثم وقف رضا(ن)لها تواضع وحشمـه..........وقبل يديها ودمعـه فـوق الاوجانـي
ثم التفـت يمهـا فـي خاطـره كلمـه..........واقفا موادع وهـو مكسـور جنحانـي
ثـم كبلـه حارسـه بالقيـد واختَمـه...........وامه تنادي بلهفـة شـوق واشجانـي
ونت وناحـت عليـه ونادتـه بسمـه..........وقفا موادع وهـو راضـي وزعلانـي
وحملني امانة(ن) تبـرا بهـا الذمـه...........قال انت ياخوي في ذمتـك ورعانـي
ورحت اتفقد عيالـه ثـم لقيـت امـه...........والحزن في صوتها المشحوب ينبانـي
ثم صار لي موقف الا صـارت مطمـه............من موقف صـار واحزنـي وبكانـي
جوني عياله وكل(ن) مـن ملـى فمـه...........يقول باتبـا سنيـن طـوال ماجانـي
وانا اشهد(ن) كل حي يحن لـه دمـه...........من بعد هذا حصل لـي موقـف ثانـي
جتني فتاة(ن) خطاهـا تمشـي بهمـه...........ثم اعثـرت وانثنـت قـدام تنصانـي
وعن راسها فرعت ثم طشـت اللثمـه..........وتطيـح وتقـوم مضيومـه وتنخانـي
قلت ابشري والعسـر والله مـا همـه..........الظاهـر ان القـدر للمـوت ودانــي
قالت ياعم اين ابوي اللي ولـد عمـه.........غرامه ابوي ابن عمه وهـو الجانـي
اشكي عليك الزمن ياعـم مـن ظلمـه..........خالاني اعيش فـي حيـره وحرمانـي
ياعـم تكفـا تلـف الشمـل وتلـمـها..........بغاك تفـزع وتنخـا قاصـي ودانـي
قلت الردي جعلها تبكـي عليـه امـه......ونتي نخيتـي وانـا بانخـا كحيلانـي
بانخا ابن فرثان صقـر وكـره القمـه..........وانخاه بسمي وبسم شيـوخ قحطانـي
وادخل على ربنا اللي يكشـف الغمـه.........وادخل على هادي ابن معيض لاهانـي
وانا دخيل الحضـن والبيـت والذمـه.........وادخل على الحي واللي وسط الاكفاني
يامارد(ن) للظوامي صافـي(ن) جمـه.........واللي ورد له ما صدر منـه ضميانـي
الحكـم لله وحكمـك بيـدك وسـمـه.........لرضاك ما ننكـره لـو كـان ماكانـي
والعاقـل اليـا بـلاه الله كبـر حلمـه........يهـون الكايـده ياوجـه سنحـانـي

أتمنىآ تنآل إعجآبكم[/color]

( غربة الروح ) · 16-04-2009, 08:10 PM

الله اكبر

نخا ربه وما خذله

الله يجزى ملكنا خير الجزاء ويهيئ له البطانة الصالحة الناصحة

صح لسانه والحمدلله ان القصيدة بعد الله كانت سبب في فك سجنه

سلمتي ياالنشميه على هالروعه اللي طرحتيها

انا اول مره اسمعها واعرف قصتها

وحفظتها عندي

جزاك الله خير

فهده · 16-04-2009, 08:47 PM

قصيده مولمه

صح لسانه

والله يجزى ابو متعب الجنه

اخت الرجال

سلمت يمناك

سلام..

اختك ياصبي · 16-04-2009, 10:32 PM

اقتباس:

المشاركة الأصلية كتبت بواسطة بانا سعوديه

الله اكبر

نخا ربه وما خذله

الله يجزى ملكنا خير الجزاء ويهيئ له البطانة الصالحة الناصحة

صح لسانه والحمدلله ان القصيدة بعد الله كانت سبب في فك سجنه

سلمتي ياالنشميه على هالروعه اللي طرحتيها

انا اول مره اسمعها واعرف قصتها

وحفظتها عندي

جزاك الله خير

هلا وغلا فديتش

شاكره مرورش العذب وتعليقش الرائع

حياااش الله

اختك ياصبي · 16-04-2009, 10:34 PM

اقتباس:

المشاركة الأصلية كتبت بواسطة بنت برقا

قصيده مولمه

صح لسانه

والله يجزى ابو متعب الجنه

اخت الرجال

سلمت يمناك

سلام..

حياااش الله ياقلبي

ونورتي الموضوع بطلتش الحلوه

يُتم · 17-04-2009, 07:42 AM

؛

تسلم دياتك اختك ياصبي ..وسلم شاعرنا وصح كله
راقت ليّ ..ويعطيكِ العافيه

ودّي

.

اختك ياصبي · 17-04-2009, 11:20 AM

الله يسلمش فديتش

وحياااش الله

مفلح السلاطين · 24-04-2009, 04:26 PM

بسم الله الرحمن الرحيم
السلام عليكم ورحمة الله وبركاته
كفو يا اخت الصبي بيض الله وجهش ولاحرمنا الله من نشاطك واشكرش من كل قلبي
نيابة عن صوت وصدى الدعوه وتأكيد على مقالش اوضح من هو صاحب الصوت الشجي الذي مختفي له سنين وياليت يقراء اويسمع اويراء

شكر لمن نقل هذه الشيله
وللتصحيح القصيده للشاعر /سعيد بن مبارك ابوديه السنحاني القحطاني
وانا من قام بأنتاج هذا الاصدار قبل اربع سنوات اسمه دمعة سجين والشاعر
اخو المسجون ابن كدمه من الرضاع والاصدار مشترك لفرقة صوت وصدى سعيد ابوديه وصالح بن شربه ومفلح السلاطين وصاحب هذي الشيله الجميله هو في الحقيقه صالح بن شربه الوادعي والاصدار النسخه الاصليه عندنا محتفظين بها
وسوف يعاودون انتاجهم صوت وصدى على شكل حلقات تلفزونيه وانا احاول في
ابن شربه وابوديه في ان يعودون للساحه الشعريه ولاكن كان عذرهم ان القنوات الفضائيه سار فيها عنصريه وسار فيها سرق وطمع مع العلم بانحن السابقين
في الاشرطه والشيلات من 20 عام ولكم مني التحيه
اخوكم ابو اسامه مفلح السلاطين

abo_osama_alsalaten@hotmail.com

شبكة صوت الإسلام

اختك ياصبي · 24-04-2009, 07:04 PM

اخي مفلح جعلك تحياا على ذا الكلام الزين

وشكرا على التوضيح والله مادري انه اللي قايلها الوكاد اني خابرتها من مبطي اسمعها في الجوال وجايزتن لي جدا

حياااك الله

حمد السنيد · 24-04-2009, 10:52 PM

وربي انها حزينة جدااا

ومعبرة وكل حرف لة معني قوي

والحقيقة ما يختار الزين الا الزين الى مثلة

بيض الله وجهك

اختك ياصبي · 24-04-2009, 11:05 PM

ووجهك ابيض يابن سنيد

ويامرحبا ومسهلا وشرفني مرورك

حياااك الله

مفلح السلاطين · 26-04-2009, 01:58 AM

الله يعطيك العافيه يا اختك ياصبي وعزوتك تذكرني بذكريات زينه
ونقلك هذه الشيلات خلتني اسمعها وانا قد نسيتها الله يحفظك
شكرا لش

اختك ياصبي · 26-04-2009, 07:28 AM

وش تذكرك به عزوتي اكيد بجدتك كني بها تقول (( اختك ياصبي انخته ))

حيااك الله اخي مفلح السلاطين مره اخرى

محمد الدغيري · 27-04-2009, 12:23 PM

الله يعطيك الف عافيه

اختيار موفق

تحيه ع ــطره

اختك ياصبي · 28-04-2009, 03:27 AM

الله يعافيك اخي محمد

وحيااك الله


اتصل بنا	مركز تحميل الصور	الألعاب	اعلن معنا

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري


التربية البدنية	مدينة الطيبات	تفسير الاحلام	المطبخ و الأكلات	موسوعة العلماء
استضافه	موسوعة الملائكة	موسوعة الأنبياء	موسوعة الصحابة	الألعاب و المرح
استضافة	الحياة الجنسية	دليل غرابيل	نفسير القرآن	القرآن الكريم
علوم القرآن	موسوعة العقيدة	موسوعة الحديث	موسوعة الأداب	موسوعة الأذكار
تربية الأطفال	الإعجاز العلمي	موسوعة العظماء	موسوعة الحج	حياة الحبيب

الذين يشاهدون محتوى الموضوع الآن : 1 ( الأعضاء 0 والزوار 1)

(إظهار الكل) الأعضاء الذين شاهدوا الموضوع : 20
&دنيا الوله&, محمد الدغيري, معضو, مفلح السلاطين, منااااوي, الباشق %, اميره الثلوج, اختك ياصبي, حمد السنيد, حمزة الحسيني, شلوٍن إنسآك, سعيد ابوديه, souper1, فهده, طلال الشامسي