دفـــــــــــــــــــــا الموده

بدر ناصر المورقي · 06-10-2008, 01:24 AM

السلام عليكم اعضاء وزوار هذا الصرح الادبي النايف وكل عام وانتم بخير متواضعه راجيا لها القبول

جفّت عروق الشوق ترجي رجوعك=عامين من ثوب الفرح مالبسته
ونشّفت ريق العيد يرقب طلوعك=حولين واهلال اللقا مالتمسته
دفا الموده ليتها في ضلوعك= وياليت قلبي في دفاها غمسته
يرفع مقامك للثريا خضوعك=للي على جمر المفارق حمسته
بدد ظلام الهجر واضوي شموعك=واطلق سراح اوصال جِرْت وحبسته
واترك مزون الوصل تسقي ربوعك=وتروي ظما قلبٍ هجرت ولبسته
قلبٍ هلك ياما ظماك ويجوعك=ونور الهنا باقصى صميمه طمسته
عاشق رهن نبضه تَحَتْ أَمْر طوعك=وياليت من نار المباعد حرسته
عليه تحشد للقطاعه جموعك=وهجمت بانياب الجفا وافترسته
لوّعة مغرم مايفكر يلوعك=ومر الجفا معْ صافي الود حسته
ياشينها اطباعك وياشين نوعك=اعلنت نكرانك وحقه بخسته
مالان عزمي من قساوة طبوعك=وان حاول العاذل يوسوس خرسته
واتقول برجع لك إذا بست كوعك=تظن بذر المستحيله غرسته
من كثر انا مااغليك وارجي رجوعك=كسرت انا كوعي عشانك وبسته
بدر ناصر المورقي

فيصل فرج العتيبي · 06-10-2008, 01:30 AM

الله الله الله

الله الله

الله

بدر

تحلق بهذه الرائعه بعيدا بعيدا بعيدا

وحدك تغرد منفردا

وتمتعنا بعزف ونزف خلاب

والله العظيم ابداااااااااااااااااااااااااااااااااااااااااااااع

الله لايضرك

هالمرة انا اللي برسللك تريلات محمد الروقي ومثلها معها

ود وند وورد وكادي ومسك وكل ماتحب

صح لساانك حتى ترضى

جد استمتعت

محمد الروقي · 06-10-2008, 01:53 AM

صح لسااااااانك لين ترضااا

هالحين اصرفلك العهووود

تريلتين ورد

وتريلة ند

وربع تعش ود <<<هذي بلهجتكم يالكويتيين

وتستاهل يالبناخي جزل ولا الومك وجدك عسير الشاعر المعروف

صادق الإحساس · 06-10-2008, 02:21 AM

بدر المورقي

دفا الموده ليتها في ضلوعك= وياليت قلبي في دفاها غمسته
يرفع مقامك للثريا خضوعك=للي على جمر المفارق حمسته

بدر كالعادة
ما خيب ظني النشمي ،،،،،

بيتين تقعد الرأس صح يا بدر

بدر المورقي

مالان عزمي من قساوة طبوعك=وان حاول العاذل يوسوس خرسته
واتقول برجع لك إذا بست كوعك=تظن بذر المستحيله غرسته

يا .. ألهي

بيتين متعوب عليه صح

بدر المورقي

من كثر انا مااغليك وارجي رجوعك=كسرت انا كوعي عشانك وبسته

يا لطيف ألطف يا لطيف

فعلا الغلا يسوي أكثر

الشاعر الأنيق العذب
بدر ناصر المورقي

سعدت والله بالقراءة
وسوف أسعد أكثر لو
قرأت لك عما قريب

صح لسانك من
جدة حتى الكويت

لا تبطي يا علينا يا بدر
بانتظارك بشوق ولهفة

لك
ود و ورد

أخوك
عمر العتيبي

نياف العتيبي · 06-10-2008, 02:30 AM

عاشق رهن نبضه تَحَتْ أَمْر طوعك
وياليت من نار المباعـد حرستـه
عليـه تحشـد للقطاعـه جموعـك
وهجمت بانياب الجفـا وافترستـه
لوّعـة مغـرم مايفكـر يلـوعـك
ومر الجفا معْ صافي الـود حستـه

الله

الله

الله

بوناااااصر

اشهد انها روووعه وتزداد روعتها

عندما وجدتها مذيله باسمك

تستااهل النجوميه يالامير

صح لساااانك

ولاهنتتتتتتتت

النااايف

ريمـآن · 06-10-2008, 02:36 AM

عليه تحشـد للقطاعـه جموعـك
وهجمت بانياب الجفـا وافترستـه

لوّعـة مغـرم مايفكـر يلـوعـك
ومر الجفا معْ صافي الود حستـه

الله عليك,,

بدر المورقي

صح لسآنك لين ترضى

قصيدة من الطرآز الرفيع

ابدعت x ابدعت

محمد المورقي · 06-10-2008, 05:20 AM

اقتباس:

المشاركة الأصلية كتبت بواسطة بدر ناصر المورقي

السلام عليكم اعضاء وزوار هذا الصرح الادبي النايف وكل عام وانتم بخير متواضعه راجيا لها القبول

جفّت عروق الشوق ترجي رجوعك=عامين من ثوب الفرح مالبسته
ونشّفت ريق العيد يرقب طلوعك=حولين واهلال اللقا مالتمسته
دفا الموده ليتها في ضلوعك= وياليت قلبي في دفاها غمسته
يرفع مقامك للثريا خضوعك=للي على جمر المفارق حمسته
بدد ظلام الهجر واضوي شموعك=واطلق سراح اوصال جِرْت وحبسته
واترك مزون الوصل تسقي ربوعك=وتروي ظما قلبٍ هجرت ولبسته
قلبٍ هلك ياما ظماك ويجوعك=ونور الهنا باقصى صميمه طمسته
عاشق رهن نبضه تَحَتْ أَمْر طوعك=وياليت من نار المباعد حرسته
عليه تحشد للقطاعه جموعك=وهجمت بانياب الجفا وافترسته
لوّعة مغرم مايفكر يلوعك=ومر الجفا معْ صافي الود حسته
ياشينها اطباعك وياشين نوعك=اعلنت نكرانك وحقه بخسته
مالان عزمي من قساوة طبوعك=وان حاول العاذل يوسوس خرسته
واتقول برجع لك إذا بست كوعك=تظن بذر المستحيله غرسته
من كثر انا مااغليك وارجي رجوعك=كسرت انا كوعي عشانك وبسته
بدر ناصر المورقي

ابو ناصر صح لسانك بكل امانه مدرسه في الشعر

قافيه تعجز شعراء كبار ولينتها لصالح قصيدتك

شهادتي فيك بكل صراحه مجروحه

سلمت يابن العلم على الدره

تقبل مروري

يوسف عبدالله الغنامي · 06-10-2008, 10:24 AM

بدر المورقي

صح لسانك وعلا شانك

شاعر متميز ورائع

لله درك

احمد مناحي · 06-10-2008, 07:22 PM

بدر ناصر المورقي

هلا وغلا

حي الله ابو ناصر وحي القصيد الجزل .

مجرد رؤية اسمك بالنسبه لي تعني ضمان الجزاله بما سأقراء .

شاعر بكل ماتعنى الكلمه من معنى وانت بغنى عن ما نقول .

رائع الله لايضرك

تقبل مروري

محمد الجبريني · 06-10-2008, 07:35 PM

اقتباس:

المشاركة الأصلية كتبت بواسطة بدر ناصر المورقي

السلام عليكم اعضاء وزوار هذا الصرح الادبي النايف وكل عام وانتم بخير متواضعه راجيا لها القبول

جفّت عروق الشوق ترجي رجوعك=عامين من ثوب الفرح مالبسته
ونشّفت ريق العيد يرقب طلوعك=حولين واهلال اللقا مالتمسته
دفا الموده ليتها في ضلوعك= وياليت قلبي في دفاها غمسته
يرفع مقامك للثريا خضوعك=للي على جمر المفارق حمسته
بدد ظلام الهجر واضوي شموعك=واطلق سراح اوصال جِرْت وحبسته
واترك مزون الوصل تسقي ربوعك=وتروي ظما قلبٍ هجرت ولبسته
قلبٍ هلك ياما ظماك ويجوعك=ونور الهنا باقصى صميمه طمسته
عاشق رهن نبضه تَحَتْ أَمْر طوعك=وياليت من نار المباعد حرسته
عليه تحشد للقطاعه جموعك=وهجمت بانياب الجفا وافترسته
لوّعة مغرم مايفكر يلوعك=ومر الجفا معْ صافي الود حسته
ياشينها اطباعك وياشين نوعك=اعلنت نكرانك وحقه بخسته
مالان عزمي من قساوة طبوعك=وان حاول العاذل يوسوس خرسته
واتقول برجع لك إذا بست كوعك=تظن بذر المستحيله غرسته
من كثر انا مااغليك وارجي رجوعك=كسرت انا كوعي عشانك وبسته
بدر ناصر المورقي

الله الله

اخووي
العزيز الشاعر
بدر ناصر المورقي صح
صح السااانك وكل عاام وانت
بألف خير جززله من جزززل ومثلك لاياتي
ألا بالجزل تقبل مروري واعجابي وفااائق تقديري

علي عبدالرحمن الأسمري · 07-10-2008, 02:22 AM

كل عام وانت بالف خير
وصح لسانك ياغالي
تحياااااااااااااااااااتي

شاعرة نجد · 07-10-2008, 02:27 AM

من كثر انا مااغليك وارجي رجوعك=كسرت انا كوعي عشانـك وبستـه

الله الله..يقولون مالايفعلون..هذا طبع الشاعر يابدر

لاهنت وتسلم على هالرااائعه

نستمتع دائما على صفحتك

لك التقدير’,,

مهند شريف · 07-10-2008, 02:35 AM

شكرا جزيلا لك

نايف عبدالله العتيبي · 07-10-2008, 10:46 AM

البــــــــدر :)

:

كل عام وأنت بخير بعد الزحمه .. ^_^

وصح لسانك على هذا النص الفاتن

تقبل المرور والأعجاب

أخوك

محمد نايف العتيبي · 07-10-2008, 11:28 PM

.

.

من كثر انا مااغليك وارجي رجوعك
ـــــــــــــــــــ كسرت انا كوعي عشانـك وبستـه

قسم بالله لي عــوده وعــوده وعـــوده الى ان احفضها كامله ..

.

.


اتصل بنا	مركز تحميل الصور	الألعاب	اعلن معنا

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري


التربية البدنية	مدينة الطيبات	تفسير الاحلام	المطبخ و الأكلات	معلمي التربية الفنية بالخرج
استضافه	موسوعة الملائكة	موسوعة الأنبياء	موسوعة الصحابة	الألعاب و المرح
استضافة	الحياة الجنسية	دليل غرابيل	نفسير القرآن	القرآن الكريم
علوم القرآن	موسوعة العقيدة	موسوعة الحديث	موسوعة الأداب	موسوعة الأذكار
تربية الأطفال	الإعجاز العلمي	موسوعة العظماء	موسوعة الحج	حياة الحبيب

الذين يشاهدون محتوى الموضوع الآن : 1 ( الأعضاء 0 والزوار 1)