اقتباس:
المشاركة الأصلية كتبت بواسطة علي عبدالرحمن الأسمري
كرسي الاعتراف
أقول طاف العمر..لكن مانقول الحب طاف=مايعْمُر الحب الوفيّ الاّ القلوب العامره
وأنا هناسجّلت قولي فوق كرسي الاعتراف=وقفت لعيونك مقام اجلال..ماني ذاخره
وأدري سنابل وصْلنا..تلاحقت سبعٍ عجاف=لكنّ والله ماحسبت العمر عندي لآخره
مادامني ماعفت قربك..وأنت داري ماتعاف=الوعد باكر..والله يعين القلوب الصابره
وانْ قلت والله مابكيت..الاّ حدا عيني جفاف=اللي خفى في خاطري..ماتعرفه من ظاهره
خلّيت للنفس المعزّة لبْس..والشيمة لحاف=ماتشمت الدنيا براسي لو ظروفي قاهره
وألاّ فأنا عانيت..صابر..شوف شيٍ مايشاف=ان قلت نبضي ماهدا..وان قلت عيني سامره
زفاير الفرقا بقلبي..ماتوقّف داف داف=والعين يوم يلوح فيها الشوق قامت قاطره
حكم الله ان جانا كذا..نرضاه بقلوبٍ نظاف=واللي لقينا من زمانٍ فات غيمه عابره
وأنتي على خير وسعة..وأنا فلا عندي خلاف=وان زاد فينا الشوق بسّ شويّ..فأحْنا نامره
لاينتهي في وقت..ويجي له مع الدنيا قطاف=يزيد لين الدهر يفنى..والطمع في الآخره
كتبت لك..وادري لو اكتب كل عمري قاف قاف=تبقى القصايد في عيوني عن مقامك قاصره
وسلامتكم,,, |
الله الله
خلّيت للنفس المعزّة لبْس..والشيمة لحاف
,,,,,,,,,,,,,,ماتشمت الدنيا براسي لو ظروفي قاهره
وألاّ فأنا عانيت..صابر..شوف شيٍ مايشاف
,,,,,,,,,,,,,,ان قلت نبضي ماهدا..وان قلت عيني سامره
لاينتهي في وقت..ويجي له مع الدنيا قطاف
,,,,,,,,,,,,,,,,,,,يزيد لين الدهر يفنى..والطمع في الآخره
الشاعر
على عبدالرحمن الاسمري
صح السانك يالقرم انشهد انك جزززل
وابياتك جززززله لله درك يابو عبدالرحمن من شاعر
تقبل مروري واعجابي وفااائق مودتي واحترااامي
(إظهار الكل)
الأعضاء الذين شاهدوا الموضوع : 13
-new.gif)
العرض العادي
