الدرس السابع من دروس الشعر النبطي ( الهلالي والمنكوس ) ... أمل عبدالعزيز ...

<<< خايف من الاعضاء ما ينتبهوا لتطبيقه


لا يرووح عليكم يا لجنة النقد .. ترى تطبيقي فوق ..انتبهوله << خايف عليه هههههههههه


تحياتي لكم

.


امل هذي والله المصيبه كيف جت مني ؟ يافزيحتي :خجل

عاد قسم بالله قريت البيت الاخير واستغربته ؟ بس صح انتم ماشفتوا شي هههههههه << يصرفكم خلاص معاد بخاش الموضوع هههههه




كل الشكر لك امل واسمحيلي ياست امل على الهفوه :خجل:



دمتم بخير

المعازيب أبخص

هههههههههههههههههههه

المهم

عوده للدرس والتطبيقات

وبعيد عن الهلال والنصر والاتحاد أبيات كيبورديه تطبيق على الهلالي

عدت لكم ببعض الأمثلة على بحر المنكوس لترسيخ هذا البحر في الأذهان فقط أتمنى أن تنال رضاكم

لسمو الأمير عبدالله الفيصل رحمه الله

للشاعر فهد رفاعي

لك الله يامن جر صوتن علـى المنكـوس=ونقـض جروحـن مبطياتـن ودراســي
جنوبن عن الأبرق وغربن عن أم الـروس=تذكر ديارن مـن ورى ذيـك الأطعاسـي
قضا الليل كله ساهـرن كنـه المضـروس=جداه الغنا والسهـر مـن قـل الأوناسـي
جنوبي تذكـرت ديرتـه والعبـاد نعـوس=من غناه عيـت تقبـل عيونـي نعاسـي
تكدرت منـه ودك فـي بالـي الهاجـوس=والا واعذابـي كـل مـادك هوجـاسـي
انا حن قلبي حن سكسـن مـع الطعمـوس=اليامـن تولـى سواقتـه سايقـن قـاسـي
تعرضه فالجوزاء عباطه وهـو متـروس=غداله حنين وقام يضـرس بـه أضراسـي
والا ياوجودي وجد من دش سجن الـروس=يوم الحاكم ستاليـن والحـزب الأنجاسـي
على اللي بدا هجره وحاس المواصل حوس=ولاهـوب وده لكـن الوضـع حسـاسـي
وأنا في غيابـه حالتـي حالـة المحبـوس=عيوني ترجـى فـي مواصلـه حراسـي
براني بهجره بريت الضرس عرق السوس=محاتا وصاله ظهر الشيـب فـي راسـي
مدامي على ماقيل في مواصلـه منفـوس=أبصبـر علـى هجـره ولاقاطـع ياسـي
قنعنا مـن الدنيـا وأخذنـا عبـر ودروس=ولا شابعـن منهـا ولا دايمـن راســي
وياما ربحنا فلوس ويامـا خسرنـا فلـوس=وتساوت معايه عنـد ربحـي والافلاسـي
مدام الوفا والطيب في نفوسنـا مغـروس=على الطيب الأول ليـن ماتوقـف أنفاسـي

للشاعر مهنا سعد العصيمي من قصيده طويله

بدينا بذكر اللي خلـق جنـة الفـردوس=خلقهـا وبيـن فـي كتابـه مراتبـهـا
قريب مجيـب يعلـم السـر والهاجـوس=ومن حكمته سيـر الفلـك مـع كواكبهـا
الله خلق كل البشـر رئيـس ومريـوس=خلقهـا وفـي يـوم القيامـة يحاسبهـا
سلامي على أهل الدين كسابة النامـوس=سلامـي عليهـم عـد ذاري هبايبـهـا
على منهج التوحيد نأخـذ عبـر ودروس=دعـاة العقيـدة ماتقـصـر بواجبـهـا
سلامي على اللي لحيته مايجيها المـوس=ولاشجـع الكـورة وصفـق للاعبـهـا
على سنة المعصـوم ماطـول الملبـوس=عفيـف جنابـه والمعاصـي مجنبـهـا
يقرأ الكتاب ولايدانـي هـل المنكـوس=كمل بالصفـات الطيبـة مـن جوانبهـا
فعله رفع رأسـه مـع رافعيـن الـروس=تقدم على كسـب المعالـي وفـاز بهـا
ترى راعي الطاعات عاداتـه النامـوس=علـى طاعـة المعبـود نفسـه مدربهـا

تقول الشاعره بخوت المريّه لمنتقديها :

العب المنكوس وارفع بصوتي ماعلي=من هل المنقود واهل العلوم الهينـه

ورغم أن هذا البيت ليس على المنكوس بل على المديد الا ان بخوت كتبت على بحر المنكوس فقالت :

وجودي على بيت الشعر عقب بيت الطين=وجودي على شـوف المغاتيـر منثـرّه
وجودي على خوة هل الموتـر المقفيـن=وجودي على شوف السهل من ورا الحرّه
ليا حلوا البدوان وصاروا علـى بيتيـن=ومن كان لـه خـل مـع ذاك ماغـرّه

ولها أيضاً :

ياحن قلبي حن ماك ٍ مع الطلعـات=ليا عشقـه بالعايـدي والدبـل جـرّه
انا دمع عيني بالدقايـق وبالساعـات=ولا هي على فرقا المحبيـن مستـرّه
هواجيس قلبي كل ما أقول راحت جات=تعود علي باليوم خمسة عشر مـرّه

ولها أيضاً :

عسى من صنع ذا الهاتف ايدية ماتنشل=عسى دارة الوسمي يخـرب بساتينـه
تعلا الحـرارة وان تكلمتبـه تنـزل=على صوتهم قلبـي تريـّح شرايينـه
وجودي على طيارة صوبهـم تنتـل=علشان مستشفـاه باجـي مصاخينـه

ونشكر من نبّهنا للشاعره العظيمه بخوت المريّه فأتينا بما كتبته على المنكوس وتركنا ماكتبته على بحر المديد ( العرضه ) للدرس الخاص به بحول الله

واختتم هذه الأمثله بقصيده من أشهر القصائد التي كتبت على بحر المنكوس وهي من أشهر الأغاني أيضاً التي غنّاها الفنان محمد عبده والقصيدة لسمو الأمير الشاعر خالد الفيصل وهي اغنية ( كفاني عذاب الله )

كفاني عذاب الله يجازيك بافعالك=جرحت الضمير ولاطرالك تداويني
مريض المحبه داه ودواه بوصالك=الا كيف تبخل وانت نظرتك تشفيني
الا واعذابي كيف ماعاد يهنالك=سوى انك تشوف الموت بيديه يطويني
انا يوم احبك ماتذكرت غربالك=ولاقد خطر في بالي انك تجافيني
تفرغت لك ياساكن القلب بلحالك=تقل غيرك من الناس ماهم بحييني
انا قام يطرالي بالاحلام مرسالك=وطيفك حبيبي بين الاحلام ناسيني

تحيتي للكل

(((بسم الله الرحمن الرحيم)))
.
.
الحمد لله قبل كل شئ..!!
السلام عليكم ورحمة الله وبركاته..!
الحقيقه ان هذا الملتقى من أرقى الملتقيات وأنفعها أدامه الله نبراساً يُستضاءُ بهِ..!
.
.
تطبيقي عباره عن قصيدتين على المنكوس من قديمي لم يسبق لها النشر هُنا في غرابيل فأحببت ان أطرحها بين أيديكم لعلكم تأنسون بها شعرا..!!
.
.

عودة مجددا

الى المشرفين والمشرفات هنا



ما رايكم بالبيتين التاليين واعذروني على القصور

السلام عليكم ...

هذا تطبيقي واتمنا يكون مضبوط لان عقدني البحر هذا
واتمنا من اصحاب الدرس وضع شيلات او جرات
امثله مع الاغاني لانها تكون اسهل
وشكرا ...


ياليل طول الظلمه واكـتم ياليلي النور
....................................... انسى وجودنا كـان ياليل تبغي رضانا
من قبل النور يظهر وانت ياليلي اتبور
....................................... وافـور البركان واحـرق ياليلي لقانا






انتظر التصحيح .... :(

شكراً لتفاعل الجميع الرائع

ولازلنا بانتظار حضور معلمتنا لمراجعة التطبيقات والتعليق عليها

تحيتي للكل

,
,

فليعذرني الجميع على الحضور المتأخر هنا ولكن لظروف الوالدة الصحية السبب الرئيسي في ذلك وسوف أبدا بأمر قد أشرق على أثره هذا المكان النقي:


الشاعر الكبير والأديب الرائع ( خشان الخشّان ) :

كم يبهجنا ويملأ المكان روعة وصدق وأمان تواجدك هذا الذي أعدُه أكبر مكسب لنا ..
فمن لايعرف هذا الشاعر الكبير والأديب الباسِق في علم العروض والتقطيع ...
بصدق ياأخي خشان آن لنا أن نزُفُ البشرى لأنفسنا هذا المقدم العزيز والغالي على قلبي وقلب كل من هم في هذا الصرح ..
.
.
فحللت أهلاً ووطئت سهلاً وعلى الرحب والسعة .
.
.

أختك أمل بنت عبدالعزيز...
.