الدرس السادس من دروس الشعر النبطي ( اللعبـــوني ) ... أمل عبدالعزيز ...

وجــــدان · 24-07-2008, 03:15 PM

اقتباس:

المشاركة الأصلية كتبت بواسطة عيسى البلوشي

أستاذتي الرائـعة وجــدان

يعلم الله الذي لا إله إلا هو بالسعادة التي تغمرني على إطراءك على نصي المتواضـع
والحمدلله إني وفقت بوزن القصيدة - عدا بيت واحد - وهذا بفضل الله سبحانه ، وتوجيهاتكم لي ، مع إني توقعت سلسلة كبيرة من التصحيح وانتقاد ، ولكن خاب ظني والحمدلله على ذلك،،

الأخ عيسى

الفضل لله وحده

تملك حس شعري جميل ماشاء الله وأفكارك جميله

ولو واصلت بهذه الروح ستصل للصفوف الاولى بسرعه وأتمنى لك التوفيق

فقط واصل معنا في بقيّة الدروس والمواضيع

تحيتي لك

عوادالعلي · 07-11-2008, 04:19 AM

وهذا تطبيقي مجارات لشاعرنا

الهوى بالقلب ياروحي سما=وصار حظي بالهوى هم وعنى
ان رفعته بالمخلايق ارتما=وان تركته مادخل درب المنى
صار حظي بالهوى يمشي عمى=مايفيده لاعلاج ولا سنى
وكان عاصوف الهوى فوقي طمى=فالخلايق مرجعه دار الفنى
لو قعد قفو المتارس واحتمى=راح يرجم مثل رجم اللي زنى

أمل عبدالعزيز · 09-11-2008, 12:11 AM

حياك وبياك ياعواااد

أبدعت بهذا الحضور

والمدرسة نورت بطلاّتك العسل

صح قلبك وكلك

تطبيق مية مية

وصح قلبك وكلك

عنود القصيد · 09-01-2009, 03:36 AM

هذا التطبيق وبالله التوفيق

ذي ثلاث ابيات يابلا مثال=وان بغيتي زود طبعآ فيه زود
كامل شرحك ولله الكمال=واعذريني يابعد قلب العنود
ان حصل بالبيت غلطه واختلال=ماهي الا رد من بين الردود

وجــــدان · 09-01-2009, 03:43 AM

اقتباس:

المشاركة الأصلية كتبت بواسطة عنود القصيد

هذا التطبيق وبالله التوفيق

ذي ثلاث ابيات يابلا مثال=وان بغيتي زود طبعآ فيه زود
كامل شرحك ولله الكمال=واعذريني يابعد قلب العنود
ان حصل بالبيت غلطه واختلال=ماهي الا رد من بين الردود

ماشاء الله

صح لسانك مليوووون

تطبيق ولا أجمل سبقه مجاراتك الرائعه في الدردشه ياعسل

لاهنتي يالعنود وسلم منطوقك

تحيتي لك

عبدالعزيز بن هويمل · 01-02-2009, 12:57 AM

أهليييين أستاذة وأبلا وجدان ..هذا تطبيقي على هذا البحر الحلوووو بصراحة
شوفي اذا في الابيات شي ..بالله لا تصححينهن بس لونيهن وأنا اللي بأصححها
وتراني بأغثكم ..يا بكثر التطبيقات أو الأبيات ..بس وسعوا صدوركم ..لاني أحس إن الفرج قريييييب ..
وربي لا يحرمكم الأجر آميييييييين

أكتب ابياتي وانا كلّي أمل=أطرق بحور الشّعِر يا أبلتي
أطوي الماضي وصفحات الوجل=واطوي الضيقة بشعري وفرحتي
أدري انه داخل ضلوعي عجِل=يبغِي افراجه ويكشف كربتي
وادري انه غير صعبـ ن أو سهل=لانّ قلبي غير جرب دنيتي
جرب ان الحظ يوجع لا خذل=جرب ان الغدر يقتل بسمتي
جرب ان الليل طبّـ ن لا رحل=جرب ان الدمع يحرق وجنتي
الفرح والحزن واحساس الرجل=يحترون الشعر يبعد حيرتي
أسألك بالله وبدون أي زعل=تصبرين شوي قرّبت انتهي

وجــــدان · 02-02-2009, 02:57 PM

اقتباس:

المشاركة الأصلية كتبت بواسطة السرمدي

أهليييين أستاذة وأبلا وجدان ..هذا تطبيقي على هذا البحر الحلوووو بصراحة
شوفي اذا في الابيات شي ..بالله لا تصححينهن بس لونيهن وأنا اللي بأصححها
وتراني بأغثكم ..يا بكثر التطبيقات أو الأبيات ..بس وسعوا صدوركم ..لاني أحس إن الفرج قريييييب ..
وربي لا يحرمكم الأجر آميييييييين

أكتب ابياتي وانا كلّي أمل=أطرق بحور الشّعِر يا أبلتي
أطوي الماضي وصفحات الوجل=واطوي الضيقة بشعري وفرحتي
أدري انه داخل ضلوعي عجِل=يبغِي افراجه ويكشف كربتي
وادري انه غير صعبـ ن أو سهل=لانّ قلبي غير جرب دنيتي
جرب ان الحظ يوجع لا خذل=جرب ان الغدر يقتل بسمتي
جرب ان الليل طبّـ ن لا رحل=جرب ان الدمع يحرق وجنتي
الفرح والحزن واحساس الرجل=يحترون الشعر يبعد حيرتي
أسألك بالله وبدون أي زعل=تصبرين شوي قرّبت انتهي

صح لسانك مليوووووون

هذي مايبيلها ألوان حمرا ولا زرقا ماشاء الله عليك

تطبيق سليم وروعه وعشره من عشره

يعطيك العافيه

مــرقــآب · 05-02-2009, 11:36 PM

أستــــــــــــآذهـ أمــل الله لا يهينك والله مآقصرتي أنآ توني مسجــل في المنتدآ وقريت دروووسكـ كلهآ وربي أعجبتني وإن شالله أصير وآحد من طلآبك المجتهدين ومشكووووووووووووووره على ماتقدمينه من مجهوووووووووووود

أمل عبدالعزيز · 16-03-2009, 09:42 PM

.
.

مرقاب الكريم:

حياك وبياك

وعلى الرحب والسعة

ونورت المدرسة

ننتظر هطولك في الدروس..

يزوودي · 28-05-2009, 06:01 PM

يرتسم درب الهوى فوق الشفاه=بسمة(ن) تروي ظمى شوق العيون
ارجع لقلبي واشوف إلها حياه=تنعشه ثم تسمعه طيب اللحون
يرتقص ثم يمشي بشوق وأناه=يمِّ عشق(ن) ماله إلا اللي يكون
فوق كل الناس دايم في حياه=مرتفع كنه سحاب(ن) له هتون
طاير(ن) فوق الجبال وفي سماه=يبعث بشوق(ن) محلى بالفنون
يسحب الغارق بقاع(ن)من ظماه=ثمِّ يهوي به على نهر الجنون
لوِّ يرحم كان ما شفت الفلاه=راكبه درب الظما بعد المزون
لاكنَ اللهَ الذي يعلم حلاه=مايوَصَّف للملا كود الحنون
لَن قلبي ماله الا اللي براه=يرحمه من سيِّد(ن) خيَّب ظنون

أتمنى أن أكون قد وفقت في تطبيق اللعبوني

وزناً وقافيةً ومعنىً

أخوكم وطالبكم

يزوودي

وجــــدان · 06-07-2009, 11:59 PM

الأخ الشاعر يزوودي

صح لسانك مليوووون على التطبيق

متكامل وزن ومعنى

ماشاء الله

تحيتي لك

لايـف · 18-07-2009, 01:57 AM

صباحكم مختلف

تطبيقي على هذا البحر

انتظر نقدكم

يا دموعي خضبّي كف السحاب=علميها تروي ارضي والمتاع
حالتي انسان يضحك للسراب =يقترب من فقد عمره بـ/اقتناع
صكت الاحلام فيني كل باب =مابقى لي غير آهآت الضياع
كل ليلة يكتم عيوني الضباب =والمشاهد كلها مشهد وداع

وجــــدان · 18-07-2009, 01:18 PM

صح لسانك مليووون يالايف

مايبيلها كلام

تحيتي لك

عبدالرحمن الزهراني · 24-12-2009, 02:29 PM

لي عوده بالتطبيق ..

ولي قصائد قريباً باذن الله

ودّي


اتصل بنا	مركز تحميل الصور	الألعاب	اعلن معنا

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري


التربية البدنية	مدينة الطيبات	تفسير الاحلام	المطبخ و الأكلات	موسوعة العلماء
استضافه	موسوعة الملائكة	موسوعة الأنبياء	موسوعة الصحابة	الألعاب و المرح
استضافة	الحياة الجنسية	دليل غرابيل	نفسير القرآن	القرآن الكريم
علوم القرآن	موسوعة العقيدة	موسوعة الحديث	موسوعة الأداب	موسوعة الأذكار
تربية الأطفال	الإعجاز العلمي	موسوعة العظماء	موسوعة الحج	حياة الحبيب

الذين يشاهدون محتوى الموضوع الآن : 1 ( الأعضاء 0 والزوار 1)